Իրանի արտաքին գործերու նախարար Հըսէյն Ամիր Ապըլ Լահեան յայտարարեց, որ Իրանի եւ Հայաստանի միջեւ սահմանի որեւէ փոփոխութիւն անընդունելի է իրենց համար: Ան այս խօսքը ըսած է Ատպէյճանի արտաքին գործերու նախարար Ճէյհուն Պայրամովին, հեռախօսազրոյցի մը ընթացքին: Ան աւելցուցած է, որ հայ-իրանեան սահմանը հաղորդակցութեան պատմական ճամբայ է, որ անհրաժեշտ է պահել առանց որեւէ փոփոխութեան:
Անհանգստութիւն յայտնելով տեղի ունեցած բախումներուն համար, Ապտըլ Լահեան պատրաստակամութիւն յայտնած է միջամտելու եւ միջնորդի դեր կատարելու` համաձայնութեան հասնելու համար երկու կողմերուն միջեւ:
