ՀՀ կառավարութիւնը մտադիր է զինուորականներուն աշխատավարձը 240 տոկոսով բարձրացնել: Այս մասին Ազգային ժողովի նիստին ըսաւ ՀՀ վարչապետ Նիկոլ Փաշինեան` պատասխանելով պատգամաւոր Յովիկ Աղազարեանի` բարեփոխումներու մասին հարցին:
ՙԶինուած ուժերու բարեփոխումներու ոլորտին մէջ մենք շատ լուրջ քայլերու կը ձեռնարկենք: Պատրաստուած է ծրագիր, մենք մեր զինուորականներուն աշխատավարձերը անգամներով պէտք է բարձրացնենք, ոչ թէ 25 կամ 30 տոկոսով, այլ` 3 անգամ: 240 տոկոսի մասին է խօսքը: Բայց յդ 240 տոկոսը շեմն է, հիմքը, որուն վրայ պէտք է այլ գործակիցներ աշխատին՚, ըսաւ Փաշինեան:
Ան նաեւ յիշեցուց, որ նախորդ տարիներուն կրկնապատկած է նաեւ ռազմաարդիւնաբերութեան ֆինանսաւորումը:
