ՀՀ Հակափտծութեան կոմիտէին մէջ Ազգային անվտանգութեան ծառայութեան հետ համատեղ աշխատանքի հետեւանքով նախաձեռնուած քրէական վարոյթի շրջանակին մէջ բացայայտուած են Հայաստան օծանելիքի ներմուծման, ինչպէս նաեւ` երկրէն ծխախոտի արտահանման գործընթացին մէջ պատշաճ մաքսային հսկողութիւն չիրականացնելու եւ ապրանքները ՀՀ սահմանով անխոչընդոտ տեղափոխելու դիմաց պաշտօնատար անձ հանդիսացող ՊԵԿ աշխատակիցին կաշառք տալու դէպքեր:
Նախաքննութեան ընթացքին պարզուելած է, որ ՀՀ քաղաքացի, անհատ ձեռնարկատէր Ա. Խ.-ն ՀՀ ներմուծուող օծանելիքը մաքսային հսկողութենէն թաքցնելու եւ օրէնքով սահմանուած մաքսավճարները չկատարելու հարցով իրեն աջակցելու համար դիմած է իր ծանօթ` ՀՀ ՊԵԿ լիազօրութիւնները ժամանակաւորապէս կասեցուած պաշտօնատար անձ Ա. Մ.-ին: Վերջինս վերը նշուած հարցով Ա. Խ.-ին աջակցելու համար համաձայնութեան եկած է ՀՀ ՊԵԿ Մաքսային ծառայութեան իրաւասու պաշտօնատար անձի հետ, որն է, ընդունելով առաջարկը, յիշեալ ապօրինի գործողութեան համար պահանջած է 151.608 դրամին համարժէք 300 եւրօ կաշառք: Որպէս հետեւանք, ՙԶուարթնոց՚ օդակայանին մէջ մաքսային հսկողութիւն իրականացնող պաշտօնատար անձերու կողմէ անոր ուղեբեռին մէջ յայտնաբերուած է մաքսային յայտարարագրման ենթակայ օծանելիքը, սակայն կաշառք ստացած պաշտօնատար անձի միջամտութեան շնորհիւ չէ յայտարարագրուած:
Բացի այդ, Ա. Խ.-ն ՀՀ-էն 120 տուփ ծխախոտ անարգել արտահանելու հարցով աջակցութիւն ստանալու նպատակով կրկին դիմած է իր ծանօթ Ա. Մ.-ին: ՊԵԿ Մաքսային ծառայութեան իրաւասու պաշտօնատար անձը, որպէս կաշառք, այս անգամ պահանջած եւ ստացած է 120.000 դրամ` իւրաքանչիւր տուփ ծխախոտի համար 1.000 դրամ: Որպէս հետեւանք, Ա. Խ.-ն մեկնած է երկրէն` ուղեբեռին մէջ թաքցնելով արտահանելով 120 տուփ ծխախոտ:
Բացի այդ, Ա. Խ.-ն հերթական անգամ ՀՀ ներմուծուող օծանելիքն ու յարդարման պարագաները մաքսային հսկողութենէն թաքցնելու եւ օրէնքով սահմանուած մաքսային վճարումները չկատարելու հարցով աջակցութիւն ստանալու նպատակով դարձեալ դիմած է վերը նշուած անձերու: ՊԵԿ Մաքսային ծառայութեան իրաւասու պաշտօնատար անձը Ա. Խ.-ի օգտին յիշեալ ապօրինի գործողութեան համար, որպէս կաշառք, պահանջած է 120.000 դրամ, ինչ որ, սակայն, վերջինս չէ փոխանցած Ա. Մ.-ին, քանի որ յայտարարագրման ենթակայ օծանելիքն ու յարդարման պարագաները յայտնաբերուած եւ առգրաւուած են ՀՀ ՊԵԿ մաքսանենգութեան դէմ պայքարի վարչութեան աշխատակիցներուն կողմէ ՙԶուարթնոց՚ օդակայանին մէջ Ա. Խ.-ին պատկանող ուղեբեռի զննման ընթացքին:
