Հայաստանի Ազգային ժողովի նախագահ Ալէն Սիմոնեան յայտարարեց, որ Հայաստան պիտի շարունակէ խաղաղութեան բանակցութիւնները դրացիներու հետ: Ապահովութիւն կրնանք ստանալ դրացիներուն հետ խաղաղութիւն հաստատելով եւ զօրաւոր բանակ ունենալով: Ըստ Սիմոնեանի, պաշտպանութեան նախարար Սուրէն Պապիկեան յաջողութեամբ յառաջ կը տանի բանակի զարգացման հոլովոյթը:
Սիմոնեան յայտարարեց, որ Ատրպէյճան շատ լաւ գիտէ Հայաստանի կարմիր գիծրը, որոնցմէ ան չի շեղիր: Ան աւելցուց, որ Ատրպէյճան միշտ լարուածութեան աղբիւր է եւ անկէ ամէն բան կարելի է սպասել: Զանգեզուրի միջանցքին անդրադառնալով, Սիմոնեան յայտարարեց որ ան կարմիր գիծ է Հայաստանի համար: Ատրպէյճան կրնայ քաղաքացի եւ ապրանք տեղափոխել Սիւնիքի ճանապարհով, սակայն ան պիտի մնայ Հայաստանի գերիշխանութեան տակ: Ըստ Սիմոնեանի, Ատրպէյճան միշտ պիտի փորձէ ճնշում բանեցնել, իսկ Հայաստան պատրաստ պիտի ըլլայ այդ ճնշումներու դիմաց չընկրկելու համար:
