Իսրայէլեան բանակի բողոքի բաժինի նախկին պատասխանատու սպայ Իսհաք Պրիք յայտարարեց, թէ յաջորդ որեւէ ճակատամարտի ընթացքին Հըզպալլա մեծ թիւով կրնայ մտնել Իսրայէլ: Ան աւելցուց, որ իսրայէլեան բանակը պատրաստ չէ այսպիսի ճակատամարտի, մինչ Հըզպալլա կազմ ու պատրաստ է ու օրական դրութեամբ հազարաւոր հրթիռներ պիտի արձակէ Իսրայէլի ուղղութեամբ: Ան կոչ ուղղեց հիւսիսային Իսրայէլի բնակիչները նախապատրաստելու այսպիսի հաւանականութեան մը:
Անդրադառնալով ներքին ճակատին, ան յայտարարեց, որ յաջորդ պատերազմին ներքին ճակատը թիրախ պիտի դառնայ հազարաւոր հրթիռներու եւ բնակչութիւնը պէտք է նախապատրաստել նաեւ այդ հաւանականութեան:
Սպան նաեւ կոչ ուղղեց սպայակոյտի պետ Հերցի Հալեվիին` բանակը զինելու կողքին նաեւ մարզելու զայն նոր արհեստագիտութեան գործածութեան համար: Իսրայէլին պէտք են մարզուած զինուորներ ամէն հաւանականութեան համար:
