Լիբանանի խորհրդարանի Ելեւմտական եւ ամավարկի յանձնախումբի նախագահ Իպրահիմ Քընաան յայտարարեց, որ կառավարութեան ներկայացուցած ամավարկը կամ պիւտճէն ունի շատ մը թերի կէտեր: Ան չունի պատկերացումը` երկիրը փրկելու տնտեսական տագնապէն որդեգրելով բարեկարգում: Ճիշդ ձեւով հաստատուելու պարագային, ամավարկը կրնայ ստեղծել պէտք եղած դրական ցնցումը` երկրի տնտեսութիւնը ներկայ վիճակէն դուրս հանելու համար: Քընաան աւելցուց, որ առաջարկուած ամավարկին վրայ դրաւ իր առաջարկները եւ զայն ղրկեց խորհրդարանի Ընդհանուր ժողովին: Ելեւմուտքի նախարարի պաշտօնակատար Եուսէֆ Խալիլ դրական նկատած էր ամավարկը եւ զայն համարած էր դէպի առջեւ կատարուած քայլ մը: Կարեւորութիւն կը տրուի այն հարցին, թէ պիւտճէի բացը ըլլայ տանելի:
