Ըստ լիբանանեան ՙԷլ.Պի.Սի.Այ.՚ պատկերասփիւռի աղբիւրին, սահմանագծումի հարցով ԱՄՆ-ի պատուիրակ Ամոս Հոքշթայն տարածաշրջան հասած է եւ պիտի հանդիպի Իսրայէլ` Լիբանան այցելելէ առաջ: Ան դուռը բաց ձգած է բոլոր առաջարկներուն առջեւ: Իսկ Լիբանան կառչած պիտի մնայ իր պահանջքին, որ մինչեւ թիւ 23 գիծ իր պատկանելիութիւնն է, Կանայի լման դաշտին հետ: Ամէն յետաձգում Լիբանանի պարագային, պիտի յետաձգուի նաեւ Իսրայէլի պեղումը նոյնքան ժամանակով:
Ըստ նոյն աղբիւրին, Հոքշթայն կը պատրաստէ առաջարկ մը, որուն մէջ նկատի կ’առնուին Լիբանանի բոլոր պահանջները: Ապագային որեւէ թիւրիմացութիւն սահմանային հարցին մէջ պիտի բարձրացուի ՄԱԿ-ի իրաւարարական գրասենեակին:
