ԱՄՆ-ի Գանձայն նախարար Ժանէթ Ելըն յայտարարեց, որ Ռուսիոյ ծախած քարիւղին գինը սահմանափակելու նպատակն է այդ երկրին եկամուտը նուազեցնել եւ քարիւղին գինը նուազեցնել միջազգային շուկային վրայ: Ըստ Ելընի, գինը չսահմանափակելու պարագային, շուկային գինը պիտի բարձրանայ, երբ Ռուսիա դադրի քարիւղ վաճառելէ:
Եւրոպական միութեան յանձնակատար Ուրսուլա վոն տէր Լէյըն նաեւ պահանջած էր սահմանափակել քարիւղին գինը, որուն բարձրացումը աւեր կը գործէ Եւրոպայի մէջ:
Միւս կողմէ, Միացեալ Նահանգներու ռազմավարական քարիւղի պահեստը հասած էր իր ամենացած մակարդակին, 1984-էն ի վեր առաջին անգամ ըլլալով: Նախագահ Ճօ Պայտըն, քարիւղին գինը նուազեցնելու համար, այս ռազմավարական պահեստէն մաս մը միջազգային շուկայ մտցուցած էր:
