Համաշխարհային հանրակցութիւնը պէտք Է ընդմիշտ հրաժարի միջուկային զէնքի փորձարկումներէն, սպառազինութիւններու այդ տեսակը պէտք է անցնի պատմութեան գիրկը: Այդ մասին յայտարարած է ՄԱԿ-ի գլխաւոր քարտուղար Անթոնիօ Կութերեշը:
ՙՄեր աշխարհը միջուկային զէնքի պատանդ մնացած է բաւականաչափ երկար ժամանակէ: Մահուան այդ սարքաւորանքները ո՛չ յաղթանակ, ո՛չ անվտանգութիւն կ՛երաշխաւորեն, անոնք նախատեսուած են սոսկ աւերման համար: Եկէք ապահովենք, որպէսզի (միջուկային զէնքի) փորձարկումները աւարտին ընդմիշտ, եւ միջուկային զէնքը դարձնենք պատմութեան սեփականութիւնը մէկընդմիշտ՚, գրած է ան Թուիթըրով:
29 Օգոստոսը Միջուկային փորձարկումներու դէմ գործողութիւններու միջազգային օրն է: Այն սահմանուած է ՄԱԿ-ի Գլխաւոր վեհակժողովին կողմէ 2 Դեկտեմբեր 2009-ին (բանաձեւ թիւ 64/35) Ղազախստանի նախաձեռնութեամբ: Օրուան ընտրութիւնը կապուած է 29 Օգոստոս 1991 թուականին Ղազախստանի Սեմիփալաթինսքի միջուկային զինափորձարանի փակման հետ, որ մեծագոյններէն մէկն Էր աշխարհի մէջ: Օրը ամէն տարի կը նշուի 2010 թուականէն::
