Երէկ Պաապտայի նախագահական պալատին մէջ, հանրապետութեան նախագահ Միշէլ Աուն ժողով գումարեց նշանակեալ վաչապետ Նեժիպ Միքաթիի հետ: Օրակարգին հարցն էր նոր կառավարութեան կազմութիւնը: Կը քննարկուին երկու տարբերակներ: Առաջինը` պահել ներկայի 24 նախարարնոց կառավարութիւնը ու փոխել տնտեսութեան եւ գաղթականներու նախարարները: Իսկ երկրորդ տարբերակն է` կազմել 30 հոգինոց կառավարութիւն, ընդգրկելով վեց պետական նախարարներ, որոնք պիտի ըլլան քաղաքական ուժերու ներկայացուցիչներ, ամբողջացնելու համար որեւէ քաղաքական դատարկութիւն, որ պիտի գոյանայ երկրին նախագահ չընտրելու պարագային: Միքաթի կը նախընտրէ ներկայ տարբերակը, մինչ նախագահ Աուն կը նախընտրէ 30 հոգինոց նախարարութիւն մը` քաղաքական դատարկութիւնը լեցնելու համար:
