Լիբանանի Կեդրոնական դրամատունը եւ Ուժանիւթի նախարարութիւնը վառելանիւթ ներածող ընկերութիւնները տեղեակ պահեցին, որ յաջորդ շաբաթէն սկսեալ վառելանիւթի սակը պիտի ճշդուի 45 առ հարիւր համեմատութեամբ ՙՍայրաֆա՚ի սակով եւ 55 առ հարիւրը` շուկայի ԱՄՆ տոլարի փոխարժէքին վրայ: Այս հարցը պիտի ծանրացնէ ներածող ընկերութիւններու բեռը եւ անոնք պիտի աւելցնեն վառելանիւթին սակը` այս բացը փակելու համար:
