Իսրայէլեան ուժեր դրուած են ահազանգային վիճակի մէջ Իսրայէլի հիւսիսային շրջաններու մէջ: Իսրայէլ կը վախնայ Հըզպալլայի կողմէ գործողութենէ մը` սահմանագծումի հարցին մէջ համաձայնագիր ստորագրելու նախօրեակին:
Ըստ ռուսական ՙՍփութնիք՚ լրատուական միջոցին, լիբանանցի պատասխանատու մը յայտարարած է, որ Լիբանան եւ Իսրայէլ շատ մօտ են համաձայնագիր ստորագրելու սահմանագծումի հարցին առնչութեամբ: Ըստ ստոյգ աղբիւրներու, սահմանագծումի հարցի ԱՄՆ-ի պատուիրակ Ամոս Հոքշթայն մօտ օրէն պիտի այցելէ Լիբանան, իսրայէլեան դրական պատասխան բերելով:
