Միացեալ Թագաւորութեան նախկին վարչապետ Պորիս Ճոնսընի գրասենեակը հաղորդեց, որ Բրիտանիոյ, Միացեալ Նահանգներու, Ֆրանսայի եւ Գերմանիոյ ղեկավարները կոչ ըրած են պահելու համար Ուքրանիոյ հիւլէակայաններուն ապահովութիւնը:
ԱՄՆ-ի արտաքին գործերու նախարար Անթոնի Պլինքըն ուքրանացի իր պաշտօնակիցին հետ հեռախօսային զրոյցի ընթացքին դատապարտած էր ռուսական գործունէութիւնը Զապորոժիէի հիւլէակայանին մէջ եւ կոչ ըրած էր ուքրանացիներուն վերադարձնելու անոր տնօրինումը: Միւս կողմէ, Զապորոժիէի շրջանի մարզային տնօրէն Վլատիմիր Ռոկով կոչ ըրած էր ՄԱԿ-ի ընդնանուր քարտուղար Անթոնիօ Կութերեշին` այցելելու շրջանը եւ ականատես դառնալու, թէ ինչպէս բնակչութիւնը չ՛ուզեր ապրիլ Ուքրանիոյ տիրապետութեան տակ:
