Իսրայէլեան ՙՆ.Ս.Օ.՚ ընկերութեան տնօրէնը հրաժարած է իր պաշտօնէն: Այս այն ընկերութիւնն է, որուն պատրաստած ՙՓեկասիւս՚ ծրագիրը կ’օգտագօրծուի գաղտնալսելու համար բջիջային հեռախօսով հաղորդակցող մարդոց խօսակցութիւնը: Այս ծրագիրին զոհ գացին եւրոպացի եւ արաբ 600 ղեկավարներ, 180 լրագրողներ, 85 մարդկային իրաւանց պաշտպաններ ու 65 մեծ գործարարներ: Ընկերութեան յայտարարութեան մէջ ըսուած է, որ ան պիտի վերակազմակերպուի ու զարգանայ շարունակելու համար իր գործունէութիւնը:
