Լիբանանի տնտեսութեան եւ առեւտուրի նախարարի պաշտօնակատար Ամին Սալամ յայտարարեց, որ այս կառավարութիւնը փրկութեան կառավարութիւն էր: Ան աւելցուց, որ ներկայիս կը նկատեն այն սխալ քաղաքականութիւնը, որ որդեգրած էին իրերայաջորդ կառավարութիւնները: Ան հաստատեց, որ վստահաբար մաքսային տոլարը չի կրնար պահուիլ 1500 լիբանանեան ոսկիի սահմանին մէջ, սակայն յաւելումը պէտք է ըլլայ աստիճանաբար: Սալամ աւելցուց, որ մաքսային տոլարը 20 հազար լիբանանեան ոսկիի բարձրացնելու պարագային, գիները պիտի աւելնան 20 կամ 30 առ հարիւր համեմատութեամբ:
Սալամ յայտարարեց, որ բաւական մեծ գործ կատարուած է նախարարութեան մէջ եւ մարդիկ սկսած են անոր հաշիւը ընել: Ըստ Սալամի, յաջորդ շաբաթ պիտի փորձեն քննել ելեկտրածին շարժիչներու պարագան ու պիտի փորձեն հաշուող սարքեր հաստատել:
