ՙՍուրմալու՚ առեւտրական կեդրոնի պայթումի քննութեան մէջ չկայ որեւէ տուեալ, որ կ’ուղղէ քննութիւնը դէպի ահաբեկչական գործողութեան վարկած: Քննչական կոմիտէի նախագահ Արգիշտի Քյարամեան յայտարարեց, որ ցարդ բոլոր հաւաքուած տուեալները կը վկայեն, որ տեղի ունեցածին պատճառ անզգուշութիւնն է:
Վարչապետ Նիկոլ Փաշինեան անդրադառնալով այս հարցին յստակացուց, որ Պէյրութի նաւահանգիստի պայթումէն ետք ինք յանձնարարած էր բոլոր գործադիր մարմիններուն, տեղեկութիւն հաւաքել վտանգաւոր նիւթեր պահող պահեստանոցներու մասին եւ անոնց յանձնարարել առնել պէտք եղած կանխազգուշական միջոցները: Վարչապետը կ’ուզէ գիտնալ, թէ 2021 թուականի գարնան կատարուած ստուգումներէն ետք, ինչպէ՞ս գործադրուած է իր յանձնարարութիւնը ու ինչպէ՞ս վարուած են խախտումներուն հետ:
