Արաբական Լիկայի ընդհանուր քարտուղարութիւնը խստօրէն դատապարտեց այն յարձակումը, որ իսրայէլեան ուժեր գործադրեցին վեց պաղեստինեան հասարակական մարդկային իրաւանց կազմակերպութիւններու դէմ: Բանակը մուտք գործեց այդ հաստատութիւնները, խորտակեց անոնց կահ կարասին եւ փակեց անոնց դուռերը:
Լիկան այս արարքը համարեց շարունակութիւնը Իսրայէլի վարած անմարդկային քաղաքականութեան պաղեստինցի ժողովուրդին հանդէպ, զայն լռութեան մատնելու եւ անոր իրաւունքը ոտնակոխելու համար: Ան կոչ ուղղեց միջազգային ընտանիքին քայլեր առնելու այս անմարդկային քաղաքականութեան վերջ տալու համար:
