Իրանի ՙԻրան Ինթըրնեշընըլ՚ կայքէջը յայտարարեց, որ հիւլէական համաձայնագիրի գործադրութիւնը կրնայ սկսիլ 120 օրուան ընթացքին: Համաձայնագիրի գործադրութեան համար, նախագահ Ճօ Պայտընի վարչակազմը պատժամիջոցները պիտի վերցնէ իրանեան 17 դրամատուներու վրայէն: Հարաւային Քորէայի մէջ ի պահ դրուած 7 միլիառ տոլար պիտի փոխանցուի Իրանին: Պատժամիջոցները պիտի վերցուին իրանեան 150 ընկերութիւններու վրայէն եւ Իրան պիտի կարենայ արտածել 50 միլիոն տակառ 120 օրուան ընթացքին: Համաձայնագիրը պիտի ընդգրկէ նաեւ երկու կողմերու բանտարկեալներու փոխանակում:
