ԱՄՆ-ի Արտաքին գործերու նախարարութիւնը յայտարարեց, որ ստացած է Իրանի պատասխանը Եւրոպայի առաջարկած կէտերուն ու զանոնք կը քննէ: Արտաքին գործերու նախարարութեան խօսնակ Նէտ Փրայս յայտարարած էր, որ դիւանագիտութիւնը ամենալաւ ձեւն է` համաձայնութեան հասնելու Իրանի հետ հիւլէական համաձայնագրի հարցով: Հակառակ պարագային, ըստ Փրայսի, ԱՄՆ պատրաստ է շարունակելու պատժամիջոցներու լեզուն: Ան յայտնեց ԱՄՆ-ի պատրաստակամութիւնը` համաձայնագիրին վերադառնալու: Փրայս աւելցուց, որ նկատի պիտի չառնեն որեւէ պատժամիջոցի թեթեւացում, եթէ կապ չունի Իրանի հիւլէական ծրագիրին հետ:
Ըստ ամերիկեան ՙՍի.Էն.Էն.՚ պատկերասփիւռի կայանին, Իրան պահանջած է աւելցնել յօդուած մը համաձայնագիրին մէջ, ըստ որուն, իրաւունք կ’ունենայ պահանջելու հատուցում, եթէ ապագային Միացեալ Նահանգներու ոեւէ նախագահ քաշուի համաձայնագիրի գործադրութենէն:
