Իսրայէլի պաշտպանութեան նախարար Պենի Կանց հեռախօսային զրոյց ունեցած է Միացեալ Նահանգներու իր գործընկեր Լոյտ Օսթընի հետ եւ քննարկած է այն քայլերը, որ պէտք է առնեն արգիլելու համար Իրանին հիւլէական զէնք ունենալը:
Իրանի Արտաքին գործերու նախարարութիւնը հրապարակած էր յայտարարութիւն մը, ուր Միացեալ Նահանգներուն եւ Եւրոպային կոչ կ’ուղղէր չանտեսելու Միջին Արեւելքի մէջ միակ հիւլէական զէնք ունեցող պետութեան` Իսրայէլի գոյութիւնը: Ան յայտարարած էր, որ Իսրայէլն է ամենամեծ խոչընդոտը Միջին Արեւելքը ապահիւլէականացնելու հոլովոյթին դէմ:
