Միացեալ Նահանգներու նախկին նախագահ Տոնալտ Թրամփ, ՙՖոքս Նիուզ՚ պատկերասփիւռի կայանին տրուած հարցազրոյցի մը ընթացքին, առաջարկեց օժանդակել Արդարադատութեան նախարարութեան, յայտնելով իր վրդովմունքը ՙԷֆ.Պի.Այ.՚ի կողմէ իր տունը մտնելու ձեւէն: Ան աւելցուց, որ մարդիկ վրդոված են այս արարքէն:
Թրամփ կոչ ուղղեց երկրին մէջ կիրքերը հանդարտեցնելու: Ան աւելցուց, որ ժողովուրդի բարկութիւնը անսահման է եղած կեղծիքէն եւ հալածանքի ձեւէն: Ան յայտարարեց, որ օրէնքի գործածութիւնը` նախկին նախագահի մը տունը մտնելու եւ խուզարկում կատարելու առաջին պարագան է: Թրամփ յայտնեց, որ տակաւին որեւէ պատասխան չէ ստացած իր առաջարկին առնչութեամբ:
