Սերպիոյ մայրաքաղաք Պելկրատի մէջ գումարուող Ոչ-յանձնառու երկիրներու ժողովի ծիրին մէջ, Թուրքիոյ արտաքին գործերու նախարար Մեվլութ Չավուշօղլու հանդիպած է իր սուրիացի գործընկեր Ֆայսալ Մըքտատին: Ան շեշտած է, որ Սուրիոյ հարցի վերջնական լուծումը կը կայանայ ընդդիմութիւն-վարչակարգ երկխօսութեան յաջողութեան մէջ: Չավուշօղլու յայտարարեց, որ Ռուսիա իրենցմէ կը պահանջէ կազմակերպել Էրտողան-Ասատ ժողով մը, սակայն աւելցուց, որ տակաւին այս հարցը չէ հասունցած: Ան Սուրիոյ մէջ վերջնական խաղաղութիւն հաստատելու միակ ձեւը նկատեց համաձայնութիւն ընդդիմութեան եւ վարչակարգին միջեւ ու ահաբեկչութենէ ձերբազատում:
