Ընկերվար յառաջդիմական կուսակցութեան նախագահ Ուալիտ Ժոմպլաթ սկսած է աշխոյժ բանակցութիւններ վարել շիի համայնքի երկու զօրաւոր քաղաքական կառոյցներուն հետ: Նախագահական ընտրութիւնը եւ երկրի քաղաքական ապագան օրակարգի հիմնական հարցերն են: Առաջին ժողովը ան գումարած է Հըզպալլայի հետ եւ պատասխան ստացած է իր հարցումներուն, մանաւանդ հարաւային ծովային սահմանագծումի հարցով եւ բոլոր կարելիութիւնները ի զօրու են, եթէ Իսրայէլ դրական պատասխան չտայ Լիբանանի առաջարկին: Ժոմպլաթ հանդիպած է Հըսէյն Խալիլի հետ, որ դրական արժեւորում տուած է այս ժողովին ու շեշտած է, որ Լիբանանի քաղաքական կառոյցներու միջեւ երկխօսութիւնը միշտ դրական ազդեցութիւն ունեցած է երկրի քաղաքական հոլովոյթին վրայ, հակառակ կողմերու միջեւ եղող տարակարծութեան:
