Ըստ ստոյգ աղբիւրներու, ծովային սահմանագծումի հարցով ԱՄՆ-ի պատուիրակ Ամոս Հոքշթայն Իսրայէլի մէջ կատարած իր բանակցութիւններու ընթացքին դրական պատասխան չէ ստացած Լիբանանի կատարած առաջարկին համար: Կազայի մէջ բռնկած առճակատումը նուազեցուցած է կարեւորութիւնը այս հարցին Իսրայէլի քաղաքական վերնախաւին մօտ:
Հարկ է նշել, որ Լիբանան յայտարարած էր, թէ չկայ որեւէ զիջում թիւ 23 գիծին վրայ: Լիբանան նաեւ պահանջած էր Կանայի դաշտը ամբողջութեամբ եւ լիազօրագիր կատարելու հորատում եւ արտադրութիւն: Նաեւ չկայ դաշտերու որեւէ բաժնեկցութիւն Իսրայէլի հետ:
