Անգլիոյ ֆութպոլի ախոյեանութեան առաջին հանգրուանի վերջին մրցումներուն արձանագրուեցան հետեւեալ արդիւնքները.
– Լեյսթըր Սիթի – Պրենթֆըրտ 2-2
– Մանչեսթըր Եուն. – Պրայթըն Էնտ Հով Ալպիըն 1-2
– Ուեսթ Հէմ Եուն. – Մանչեսթըր Սիթի 0-2
Այս հանգրուանի մրցումներու ծիրին մէջ, ախոյեան ՙՄանչեսթըր Սիթի՚ն իր դաշտէն դուրս մրցեցաւ զօրաւոր ՙՈւեսթ Հէմ Եունայթըտ՚ի դէմ: Նորվեկիացի յարձակող Էրլինկ Հաալանտ կատարեց իր առաջին մրցումը ՙՍիթի՚ի հետ եւ նշանակեց երկու կոլերը, 36-րդ վայրկեանին տուգանային հարուածով եւ 65-րդ վայրկեանին, Տէ Պրոյնի փոխանցումով: Իսկ ՙՄանչեսթըր Եունայթըտ՚ իր դաշտին վրայ մրցեցաւ ՙՊրայթըն Էնտ Հով Ալպիըն՚ի դէմ ու պարտուեցաւ: Գերմանացի կիսապաշտպան Կրոս` 30-րդ եւ 39-րդ վայրկեաններուն նշանակեց հիւրին կոլերը, Ուելպէքի մէկ փոխանցումով: ՙԵունայթըտ՚ի միակ կոլը նշանակեց արժանթինցի կիսապաշտպան ՄաքԱլիսթըր սխալմամբ իր բերդին մէջ, 68-րդ վայրկեանին:
