ՀՀ Կրթութեան, գիտութեան, մշակոյթի եւ մարմնակրթութեան նախարարութեան ՙՊատմամշակութային արգելոց-թանգարաններու եւ պատմական միջավայրի պահպանութեան ծառայութիւն՚ կազմակերպութիւնը ՙՙԶօրաց քարեր՚ բնակատեղի՚ պատմամշակութաին արգելոցի տարածքին մէջ 10-11 Օգոստոս 2022-ին կը կազմակերպէ ՙԶօրաց քարեր. մարդը տիեզերական անսահմանութեան մէջ՚ խորագրով կրթամշակութային միջոցառում:
Միջոցառման մեկնարկը պիտի տրուի 10 Օգոստոսին: Ծրագրի առաջին մասով այցելուները հնարաւորութիւն պիտի ունենան ծանօթանալու յուշարձանին, լսելու թեմատիկ զրոյցներ տիեզերքի մասին մարդու պատկերացումներուն շուրջ, մասնակցելու թեմատիկ խաղերու, հարց ու պատասխանի:
Երկրորդ մասով տիեզերքի մասին ֆիմի պիտի ցուցադրուի, որուն պիտի յաջորդէ Հայկ-Օրիոն համաստեղութեան դիմաւորումը: Միջոցառման ընթացքին պիտի հնչեն Կոմիտասի եւ Աւետ Տէրտէրեանի ստեղծագործութիւններէն:
Նախարարութիւնից յայտնում են, որ միջոցառումից ստացուած հասոյթն ուղղուելու է արգելոցի ենթակառուցուածքների կազմակերպմանն ու զարգացմանը:
Նախարարութիւնը միջոցառման մասնակիցներէն կը խնդրէ իրենց հետ ունենալ տաք հագուստ, լապտերներ, քնապարկեր:
Զօրաց քարեր մեկալիթեան յուշարձանը կը գտնուի Հայաստանի Սիւնիքի մարզի Սիսիան քաղաքէն 3 քմ հիւսիս: Յուշարձանը պարբերաբար ուսումնասիրած են Ստեփան Լիսիցեանը (1920-ականներուն), Մօրուս Հասրաթեանը (1950-60-ականներուն), Օնիկ Խնկիկեանը (1970-80-ականներուն), Գրիգոր Արէշեանը (1980-90-ականներուն):
Յուշարձանի տարածքին հնագիտական ուսումնասիրութիւնները վերսկսուած են 2013-ին ԿԳՄՄ նախարարութեան ՙՊատմամշակութային արգելոց-թանգարաններու եւ պատմական միջավայրի պահպանութեան ծառայութիւն՚ կազմակերպութեան կողմէ:
