Ուքրանիոյ նախագահ Վոլոտիմիր Զելենսքի պահանջեց հիւլէական ճարտարարուեստի պատժամիջոցներ կիրարկել Ռուսիոյ դէմ, զսպելու համար այս վերջինիս հիւլէական ահաբեկչութեան սպառնալիքը: Ան աւելցուց, որ խօսած է Եւրոպական միութեան նախագահ Շարլ Միշէլի հետ, Զապորոժիյէի հիւլէակայանին դէմ կատարուած ռուսական յարձակումի հարցով: Ուքրանական ՙԷներկոաթոմ՚ ընկերութիւնը ռուսական ուժերը պատասխանատու նկատած էր այն ռմբակոծումին համար, որու ենթարկուեցաւ Զապորոժիէյի հիւլէակայանը, որ ենթարկուեցաւ լուրջ վնասի: Իր կողմէ, Ռուսիա ամբաստանեց ուքրանական ուժերը յարձակումը գործադրելու մէջ: Ուժանիւթի միջազգային գործակալութիւնը Զապորոժիյէի հիւլէակայանին վիճակը համարեց ՙոչ-կայուն՚ եւ կը բանակցի երկու կողմերուն հետ, քննիչներու խումբ մը ուղարկելու համար:
