Արցախի առողջապահութեան նախարար Միքայէլ Հայրիյեան յայտարարեց, որ 19 վիրաւոր կայ Արցախի բանակէն երէկուընէ ի վեր տեղի ունեցող ատրպէճանական ուժերու հետ բախումին պատճառով: Անոնցմէ չորսին վիճակը ծանր է: Վիրաւորներէն մաս մը տեղափոխուած են Երեւան, մանաւանդ միջին եւ ծանր վիրաւորները: Ըստ նախարարին, վիրաւորներուն մեծ մասը ինկած են անօդաչու թռչող սարքերու ռմբակոծումին հետեւանքով:
Օգոստոս 3-ին Ատրպէյճանի կողմէ զինադադարի խախտման հետեւանքով զոհուած են Պաշտպանութեան բանակի պայմանագրային զինուորներ Գուրգէն Գալերիի Գաբրիէլեանը եւ Արթուր Եուրիի Խաչատրեանը:
