Իրաքի խորհրդարանին մէջ մեծամասնութիւն ունեցող Մուքթատա Սատըր կոչ ուղղեց խորհրդարանի նոր ընտրութիւն կազմակերպելու, կայունացնելու համար ամիսներէ ի վեր տեւող լարուած քաղաքական վիճակը երկրին մէջ: Ըստ Սատըրի, արիւնահեղութիւնը չէ որ լուծում պիտի բերէ երկրին, այլ՝ բարեկարգումը, որ զոհողութեան կը կարօտի եւ թէ ինք պատրաստ է զոհուելու երկրի բարօրութեան համար:
Ան աւելցուց, որ երկրին պէտք է նոր քաղաքական դէմքերու յայտնուիլը« որովհետեւ ժողովուրդը ձանձրացած է հին, իշխող դասակարգէն եւ փոփոխութիւն կ’ուզէ իր կեանքին մէջ: Սատըրի կողմնակիցներ մտան խորհրդարանի շէնքը եւ սկսան նստացոյց մը մինչեւ իրենց պահանջին գոհացում ստանալը:
