Լիբանանցիներ ընդհանրապէս եւ Պէյրութի բնակիչներ ցաւով կը յիշեն Պէյրութի նաւահանգիստը հարուածած պայթումը, որ պատճառեց երկու հարիւրէ աւելի զոհ եւ վեց հազարէ աւելի վիրաւոր« նաեւ կործանեց քաղաքին նաւահանգիստի մօտ գտնուող հին ու գեղեցիկ մասը: Այս տխուր առիթով վաճառատուներ եւ գործատեղիներ պիտի մնան փակ ու բնակչութիւնը անգամ մը եւս պիտի յիշէ այդ ցաւալի օրը: Նաեւ պիտի նշէ, որ տակաւին արդարութիւնը տեղ չհասաւ ու պատասխանատու մարդիկ չկրեցին պատիժը իրենց անփութութեան: Արդարութեան կատարումը կը մեղմէ զոհուածներու ընտանիքներուն ցաւը, իսկ բացակայութիւնը՝ վառ կը պահէ այդ ցաւը:
Այս առիթով, Պէյութի հրշէջներու խումբի նահատակները յիշուեցան ընտանիքի անդամներու եւ ընկերներու կողմէ հաւաքի մը ընթացքին:
