ՀԱՅԱՍՏԱՆԻ ԱԽՈՅԵԱՆՈՒԹԵԱՆ Ա. ՀԱՆԳՐՈՒԱՆ

2022-2023 տարեշրջանի Հայաստանի ֆութպոլի ախոյեանութեան Ա. հանգրուանի ամենահետաքրքրական մրցումին« ախոյեան ՙՓիւնիկ՚ը իր դաշտին վրայ միակ կոլով զիջեցաւ ՙԱրարատ՚ին: Մրցումին միակ կոլը նշանակեց փոխարինող յարձակող Ռազմիկ Յակոբեան 71-րդ վայրկեանին: ՙԱրարատ-Արմենիա՚ իր դաշտէն դուրս զիջեցաւ ՙՈւրարտու՚ին, ռուս կիսապաշտպան Օլէկ Փոլիաքովի 59-րդ վայրկեանին նշանակած կոլով: Իսկ ՙԱլաշկերտ՚ յաղթանակ տարաւ իր դաշտէն դուրս եօթը կոլնոց մրցումի մը ընթացքին: Այս տարեշրջանի նորեկներն են Գորիսի ՙԼեռնային Արցախ՚ը եւ Կիւմրիի ՙՇիրակ՚ը: Ստորեւ տեսնել արձանագրուած արդիւնքները.
– Լեռնային Արցախ Գորիս – Վան Չարենցաւան 0-1
– Նոա – Ալաշկերտ 3-4
– Փիւնիկ – Արարատ 0-1
– ԲԿՄԱ Վաղարշ. – Շիրակ Կիւմրի 0-1
– Ուրարտու – Արարատ-Արմենիա 1-0