Ռուսիոյ Դաշնութեան Պաշտպանութեան նախարարութիւնը յայտարարեց, որ վերջին 24 ժամուան ընթացքին Ատրպէյճան երեք անգամ խախտած է զինադադարը Արցախի ճակատին վրայ: Ըստ ռուսական աղբիւրին, Արցախի զինեալ կազմաւորումներու ներկայացուցիչը վիրաւորուած է: Ռուս խաղաղապահ ուժեր բանակցութիւն վարած են ատրպէյճանական եւ հայկական կողմերուն հետ ու թոյլ չեն տուած որեւէ սահմանգիծի խախտում: Ռուսական խաղաղապահ ուժերը սահմանի երկայնքին ունին 27 դիտակէտ, որոնց միջոցով տեղի կ’ունենայ սահմանագիծին վրայ խախտումներու արձանագրութիւնը եւ ապահովութեան պահպանումը
