Միացեալ Նահանգներու Ծերակոյտի Յատկացումներու Կոմիտէն հրապարակեց 2023 ֆինանսական տարուան յատկացումներու օրինագիծը, որ կը վերահաստատէ Ազատութեան Աջակցութեան 907-րդ բաժինը եւ կ’առաջարկէ 2 միլիոն տոլար արժողութեամբ ականազերծման օգնութիւն տրամադրել Արցախին, ինչպէս նաեւ մարդասիրական օգնութիւն` տեղահանուած հայերուն օգնելու համար:
Մասնաւորապէս, Կոմիտէի զեկոյցին մէջ կ’ըսուի, որ ՙմինչեւ 2.000.000 տոլար մարդասիրական ականազերծման եւ չպայթած զինամթերքի մաքրման համար Լեռնային Ղարաբաղի հակամարտութեան ընթացքին կռիւներու հետեւանքով տուժած տարածքներուն մէջ, որ ենթակայ է նախնական խորհրդակցութեան Յատկացումներու կոմիտէներու հետ, ինչպէս նաեւ ՙմարդասիրական օգնութիւն՚ ՙԼեռնային Ղարաբաղի հակամարտութեան պատճառով տեղահանուածներու համար՚:
Անցեալ ամիս Ներկայացուցիչներու պալատը ընդունեց օրինագիծի իր տարբերակը, որ կոչ կ’ընէր 60 միլիոն տոլար օգնութիւն տրամադրել Հայաստանին եւ 2 միլիոն տոլար` Արցախի մէջ ականազերծման աշխատանքներու համար, կը տեղեկացնէ Ամերիկայի Հայկական Համագումարը:
