Ս. ԱՍՏՈՒԱԾԱԾՆԻ ՎԵՐԱՓՈԽՄԱՆ ՏՕՆԻՆ ԱՌԻԹՈՎ

ԱՌԱՒՕՏԵԱՆ ԱՂՕԹՔԻ ՇԱԲԱԹ

ՍՈՒՐԲ ԱՍՏՈՒԱԾԱԾԻՆ ՎԱՆՔ, ՊԻՔՖԱՅԱ

8-12 ՕԳՈՍՏՈՍ 2022

Հովանաւորութեամբ Ն.Ս.Օ.Տ.Տ. Արամ Ա. Վեհափառ Հայրապետին եւ կազմակերպութեամբ Կաթողիկոսարանիս Քրիստոնէական դաստիարակութեան բաժանմունքին, 8-12 Օգոստոս 2022-ին , ամէն առաւօտ ժամը 10:00-ին, Պիքֆայայի Ս. Աստուածածին մատրան մէջ, Սուրբ Աստուածածնի Վերափոխման տօնին առիթով տեղի պիտի ունենայ դասախօսական շարք մը նուիրուած Սուրբ Կոյս Աստուածածին Մարիամին:

Կը հրաւիրենք մեր ժողովուրդի բոլոր զաւակները« մասնակից դառնալու հոգեպարար աղօթքներուն եւ խորհրդածական պահերուն, լեցուելու Հայ Եկեղեցւոյ կրօնական ապրումներով, եւ Ս. Աստուածամօր մայրութեան նուիրական օրինակով:

ԾԱՆՕԹ. Մասնակցիլ փափաքողներուն համար փոխադրակառքեր տրամադրուած պիտի ըլլան ամէն օր, առաւօտեան ժամը 8:30-ին, Ս. Վարդանանց եկեղեցւոյ մուտքին, Ս. Ագնէս վարժարանի մօտ, Զալքա (Թիքօ-Թիքօ) եւ Անթիլիասի Մայրավանքին դիմաց:

ՔՐԻՍՏՈՆԷԱԿԱՆ ԴԱՍՏԻԱՐԱԿՈՒԹԵԱՆ

ԲԱԺԱՆՄՈՒՆՔ