Վերջին տարիներուն, Ռուսիոյ Դաշնութիւնը կը փորձէ սիրաշահիլ Միջին Արեւլքի երկիրները, անոնց հետ կնքելով երկարաժամկէտ համաձայնագրեր: Ասոր ամենամեծ օրինակը քարիւղ արտադրող երկիրներու պարագան է, որոնց հետ Ռուսիա համաձայնեցաւ սահմանափակելու համար քարիւղի արտադրութիւնը գինի որոշ մակարդակ մը պահելու համար, որ տակառին գինը կը պահէ 60-100 տոլարի շուրջ: Այս համաձայնագիրէն օգտուեցան քարիւղ արտադրող բոլոր երկիրները: Անշուշտ այս քայլը շատ չի քաջալերուիր զարգացած երկիրներու կողմէ, որոնք միշտ կ’ուզեն աժան գին վճարել բնական հարստութեան համար, աժան գինով վառելանիւթ ստանալու եւ իրենց տնտեսութիւնը բարգաւաճ պահելու համար: ԱՄՆ-ի նախագահ Ճօ Պայտընի վերջին փորձը կ’իյնար այս պարունակին մէջ, մանաւանդ Ուքրանիոյ տագնապէն ետք քարիւղի գինի յաւելումին պատճառով:
