Գերմանիոյ արտաքին գործերու նախարար Աննալինա Պերպոք քննադատեց Թուրքիան« որ յաւակնութիւններ ունի Եգէական ծովու յունական կարգ մը կղզիներու նկատմամբ: Ան այս յայտարարութիւնը կատարեց հանդիպելէ ետք իր յոյն գործակից Նիքոս Տինտիասի հետ: Ան աւելցուց« որ Լեսպոս« Ռոտոս« Խիոս եւ ուրիշ կղզիներ կը պատկանին Յունաստանին ու որեւէ ոտնձգութիւն անընդունելի է այս ուղղութեամբ: Նախարարը կոչ ուղղեց ՆԱԹՕ-ի անդամներուն միջեւ ծագած հարցերը լուծելու երկխօսութեամբ: Ան կոչ ուղղեց բոլոր ճիգերը կեդրոնացնելու Ուքրանիոյ տագնապին վրայ եւ հեռու մնալու միասնականութիւնը վտանգող քայլերէ:
