ՄԱԿ-ի Գլխաւոր խորհուրդի նախագահ Ապտիւլլա Շահիտ այցելեց Երեւան ու տեսակցեցաւ նախագահ Վահագն Խաչատուրեանի հետ: Վերջինս քննարկումներուն ընթացքին խօսեցաւ հայ ռազմագերիներուն մասին եւ պահանջեց անոնց անյապաղ տունդարձը: Շահիտ համատեղ հետաքրքրութեան հարցերը քննարկեց փոխվարչապետ Համբարձում Մաթեւոսեանի հետ: Վերջինս հաւաստիացուց, որ Երեւան հաւատարիմ կը մնայ Արցախի հիմնախնդիրի խաղաղ կարգաւորումին` ԵԱՀԿ-ի Մինսքի խմբակի համանախագահութեան հիման վրայ:
Շահիտ նաեւ այցելեց Ծիծեռնակաբերդի յուշահամալիր եւ Ցեղասպանութեան թանգարան-հիմնարկ, ապա այդ մասին գրառում կատարեց Թուիթըրի վրայ: ՄԱԿ-ի պաշտօնատարը սակայն կարճ ժամանակ ետք իր էջէն հեռացուց գրառումը:
