Միացեալ Նահանգներու Արտաքին գործերու նախարարութիւնը վերստին կոչ ուղղեց ամբողջական հետաքննութիւն կատարելու պաղետինցի լրագրող Շիրին Ապու Աքլէի սպանութեան թղթածրարին առնչութեամբ եւ պատժելու յանցագործները: Ըստ նախարարութեան, Ապու Աքլէն սպաննած փամփուշտը շատ հաւանաբար արձակուած էր իսրայէլեան կողմէն, սակայն որեւէ ապացոյց չկայ անոր դիտումնաւոր ըլլալուն մասին:
