Լիբանանի մէջ Միացեալ Նահանգներու դեսպան Տորոթի Շիա կոչ ուղղեց վերականգնելու լիբանանցիներուն վստահութիւնը ելեւմտական եւ տնտեսական ոլորտներուն նկատմամբ, կարեւորելով ելեկտրականութեան ապահովումը դպրոցներուն, հիւանդանոցներուն եւ գործարաններուն համար: Շիա շեշտեց նաեւ, որ Լիբանան պէտք է բարեկարգումներով գոհացնէ Համաշխարհային դրամատան պահանջները: Արդիւնաբերողներու միութենէն արտասանած խօսքին մէջ ամերիկացի դեսպանը Լիբանանին կոչ ուղղեց բարեկարգումներուն առումով ժամանակ չկորսնցնելու: Դեսպանը նաեւ կոչ ուղղեց նոր նախագահի ընտրութիւնը կատարելու սահմանադրական ժամկէտին, պատրաստակամութիւն յայտնելով զօրակցելու Լիբանանին:
