ՀՀ կառավարութեան որոշմամբ տրամադրուած է 10,8 միլիոն դրամ` Համահայկական հայագիտական ողիմպիականի կազմակերպման համար:
Օգոստոսի առաջին կէսին տեղի ունենալիք ողիմպիականին պիտի մասնակցին շուրջ 90 պատուիրակներ` Հայաստանէն, Արցախէն եւ Սփիւռքէն:
Համահայկական հայագիտական ողիմպիականները 2003 թուականէն պետական ծրագրերու շրջանակին մէջ երկու տարին մէկ կազմակերպուող միջոցառումներն են, որոնք խնդիր ունին խրախուսելու հայոց լեզուի, գրականութեան, պատմութեան եւ մշակոյթի իմացութիւնը արտերկրի մէջ բնակող հայ երեխաներու շրջանին մէջ, օգնելու անոնց ճանչնալ Հայաստանը եւ ամուր կապուիլ հայրենիքին, ինչպէս նաեւ ծանօթանալու տարբեր երկիրներու մէջ բնակող հասակակիցներուն հետ:
2003 թուականին նախարարութիւնը առաջին անգամ կազմակերպած է Հայոց լեզուի եւ գրականութեան համահայկական ողիմպիական, որ իր շուրջը հաւաքած է Սփիւռքի 4 երկիրներ եւ ՀՀ ընդամէնը 29 դպրոցականներ: 2005-ին ողիմպիականին մասնակցած է 105 երիտասարդ` 7 երկրէ: 2015-էն միջոցառումը ստացած է ՙՀայագիտական համահայկական օղիմպիական՚ անուանումը:
Ողիմպիականին կը մասնակցին հայկակն կրթօճախներու` 14-18 տարեկան համապատասխան գիտելիքներ ունեցող սաները: Միջոցառման առանձնայատկութիւններէն է նաեւ այն, որ մասնակցութեան հնարաւորութիւն կը տրուի այն պատանիներուն, որոնք չեն տիրապետեր հայերէնին, բայց ունին բաւարար գիտելիքներ հայոց պատմութենէն եւ մշակոյթէն: Այդ հնարաւորութիւն կու տայ միջոցառման մասնակից դարձնելու հայերէնին չտիրապետող աւելի լայն` համայնքին հետ համեմատաբար թոյլ կապ ունեցող հայկական շրջանակները, ինչպէս նաեւ Հայաստանով հետաքրքրուող օտարազգի ներկայացուցիչները: Միջոցառումը, որպէս կանոն, կը տեւէ մէկ շաբաթ, որուն ընթացքին, բացի հիմնական մրցոյթներէն, տեղի կ՛ունենան բազմաթիւ լրացուցիչ մրցոյթներ, օրինակ` հայրենասիրական երգի, ասմունքի եւ այլն: Երիտասարդներուն համար կը կազմակերպուին այցելութիւններ Հայաստանի տեսարժան վայրեր, ճանաչողական այցեր, հանդիպումներ տարբեր ոլորտներու յայտնի գործիչներու հետ, ուսուցողական միջոցառումներ (պարի ուսուցում, երգի ուսուցում, ժողովրդական արուեստների ուսուցում եւ այլն):
