Հայաստանի տնտեսական աշխուժութեան ցուցանիշը 2022 թուականի Յունուար-Յունիսին 11.8 տոկոսով աւելցած է նախորդ տարուայ նոյն ժամանակահատուածին համեմատ: Այս մասին կը փաստեն ՀՀ Վիճակագրական կոմիտէին հրապարակած տուեալները:
Արդիւնաբերական արտադրանքի ծաւալը այս տարուայ Յունուար-Յունիսին նախորդ տարուայ նոյն ժամանակահատուածին համեմատ աւելցած է 5.8 տոկոսով:
Գիւղատնտեսական համախառն ներքին արտադրանքի ծաւալը այս տարուայ առաջին 6 ամսուան մէջ նախորդ տարուայ նոյն ժամանակին համեմատ նուազած է 5.5 տոկոսով:
Շինարարութեան ծաւալը 2022-ի Յունուար-Յունիսին նախորդ տարուայ նոյն ժամանակին համեմատ աւելցած է 12.7 տոկոսով:
Առեւտուրի շրջանառութեան մէջ 2022-ի առաջին 6 ամսուան մէջ 2021-ի նոյն ժամանակահատուածին նկատմամբ աւելցումը կազմած է 10.7 տոկոս:
Հայաստանի մէջ այս տարուան Յունուար-Յունիսին մատուցուած ծառայութիւններուն ծաւալը նախորդ տարուայ նոյն ժամանակահատուածին նկատմամբ աւելցած է 26.9 տոկոսով:
2022 թուականի Յունուար-Յունիսին սպառողական գիներու ցուցակը 2021-ի Յունուար-Յունիսի համեմատ աճած է 8.1 տոկոսով, արդիւնաբերական արտադրանքի գիներու ցուցակը` 7.8 տոկոսով: Ելեկտրականութեան արտադրութեան ծաւալը Յունուար-Յունիսին նախորդ տարուայ նոյն ժամանակին համեմատ աւելցած է 14.8 տոկոսով:
Արտաքին առեւտրաշրջանառութեան ծաւալներուն մէջ այս տարուայ առաջին 6 ամսուան մէջ նախորդ տարուայ նոյն ժամանակին համեմատ արձանագրուած է 44 տոկոս աճ: Ընդ որում` 2022 թուականի Յունուար-Յունիսին նախորդ տարուայ նոյն ժամանակին համեմատ արտահանումը աճած է 36.3 տոկոսով, իսկ ներմուծումը` 48.7 տոկոսով:
Դրամի փոխարժէքը տոլարի նկատմամբ Յունուար-Յունիս ամիսներուն կազմած է 468.24:
