Եւրոպական հեռարձակողներու միութիւնը եւ ՙBBC՚-ն հաստատած են, որ 2023 թուականին Եւրոտեսիլ երգի մրցոյթը պիտի հիւրընկալուի Միացեալ Թագաւորութեան մէջ:
2022 թուականին մրցոյթի յաղթող երկիրը` Ուքրանիան, ինքնաբերաբար պիտի մասնակցի աւարտական փուլին:
Այս որոշումը հիմնաւորուած է անով, որ անվտանգութեան նկատառումներէ ելլելով` յաջորդ տարի մրցոյթը չի կրնար տեղի ունենալ 2022-ին մրցոյթի յաղթող երկրին` Ուքրանիոյ մէջ: Կը նշուի, որ Եւրոպական հեռարձակողներու միութիւնը ուսումնասիրած է շարք մը տարբերակներ յաղթող երկրի հեռարձակողի հետ:
Միացեալ Թագաւորութիւնը 2022-ին մրցոյթին գրաւած էր 2-րդ տեղը: Եւրոպական հեռարձակողներու միութիւնը որոշած է, որ ՙBBC՚-ն պիտի ստանձնէ հիւրընկալութեան պարտականութիւնները 2023 թուականին Միացեալ Թագաւորութեան մէջ կայանալիք մրցոյթին:
Ուքրանիոյ հանրային հեռարձակման ազգային ընկերութեան կառավարման խորհուրդի ղեկավար Միքոլայ Չեռնոթիցքին շնորհակալութիւն յայտնած է ՙBBC՚-ի գործընկերներուն` համերաշխութիւն ցուցաբերելու համար: Ան վստահութիւն յայտնած է, որ միասին պիտի կարենան աւելցնել ուքրանական ոգին այս իրադարձութեան:
ՙԵւրատեսիլ 2023՚ երգի մրցոյթը տեղի պիտի չունենայ Ուքրանիոյ մէջ, բայց տեղի պիտի ունենայ` ի աջակցութիւն Ուքրանիոյ՚, նշած է ան:
