Լիբանանի մէջ Ուքրանիոյ դեսպան Իհոր Օսթաշ արտաքին գործերու նախարարի պաշտօնակատար Ապտալլա Պու Հապիպին տեղեկացուց« որ Լիբանանին տրամադրուած օգնութիւններու ծիրին մէջ Քիեւի իշխանութիւնները նաւահանգիստ մը յատկացուցած են դէպի Լիբանան ցորենի հեզասահ արտահանումը շարունակելու ամար« նկատի առնելով Լիբանանի դիրքորոշումը Ուքրանիոյ դէմ ռուսական յարձակումին առնչութեամբ: ՙՀակառակ ռուսական ռազմական գործողութիւններու շարունակութեան« Ուքրանիա պիտի մնայ Լիբանանի յուսալի գործընկերը եւ ապահովէ անոր սննդամթերային անվտանգութիւնը՚« ըսաւ դեսպանը: Անոր համաձայն« Լիբանանի տնտեսութեան նախարարին եւ Ուքրանիոյ երկրագործական քաղաքականութեան նախարարին միջեւ կնքուած համաձայնութեան հիման վրայ այլընտրանքային ուղիով Լիբանան փոխադրուած է հատեղէնի առաջին բեռը: Դեսպանը լիբանանեան իշխանութիւններէն պահանջեց արգիլել ուքրանական բռնագրաւեալ հողերէն ՙռուս բռնատիրոջ՚ փոխադրած ցորենի Լիբանան մուտքը: Օսթաշ կարծիք յայտնեց« որ Օտեսայի դէմ ռուսական հրթիռային յարձակումը կ’ապացուցէ« որ Մոսկուա կը խախտէ բոլոր համաձայնութիւնները:
