Լիբանանեան ուժեր կուսակցութեան նախագահ Սամիր Ժաաժաա անընդունելի համարեց Մուսա Հաժ արքեպիսկոպոսին հետ պատահածը« նկատի առնելով որ ան Մարոնի պատրիարքութիւնը ներկայացնող կղերական է« սակայն անակնկալօրէն ձեբակալուեցաւ իր պարտականութիւններու կատարման պահուն: Ժաաժաա դաւաճան որակեց Հաժ արքեպիսկոպոսի թղթածրարին հետեւող դատախազ Ֆատի Աքիքին« որովհետեւ պատրիարքութեան ներկայացուցիչին հետ վարուեցաւ նուաստացուցիչ կերպով: ՙԱյս վերաբերմունքին գլխաւոր նպատակն է պատգամ յղել Պքըրքէինª պատրիարքի վերջին դիրքորոշումներուն համար՚« ըսաւ Լիբանանեան ուժեր կուսակցութեան նախագահը: Յիշեցնելով« որ սուրբ հողերուն վրայ կը գործէ մարոնի եկեղեցւոյ առաջնորդարան մը« Ժաաժաա յիշեցուց« որ այնտեղ գործած են բազմաթիւ կղորականներ« իսկ այժմ պատրիարքական փոխանորդն է Մուսա Հաժ արքեպիսկոպոսը: Ան պետութեան հարց տուաւ« թէ ոեւէ պաշտօնատար Ռահի պատրիարքին հետ չէ՞ր խօսած էր այս թղթածրարին մասին: ՙՊքըրքէն երբեք չէ զլացած ազգային թղթածրարներուն առնչութեամբ եւ դժբախտաբար հանրապետութեան նախագահը կ’ըսէ« որ իրաւասութիւն չունի հետապնդելու դատաւորները« մինչ բոլորը կը խուսափին պատասխանատուութենէ՚« ըսաւ Ժաաժաա« յիշեցնելով որ Զինուորական ատեանը տակաւին երկու ամիս առաջ յայտարարած էր« որ իրաւասութիւն չունի հետապնդելու կղերականները:
