Թուրքիա« մանաւանդ 2022-ին իսլամական կուսակցութեան իշխանութեան գալէն ետք« միշտ օգտագործած է Իսլամի եղբայրութեան լոզունգը: Փորձած է ձեւանալ թէ կ’օգնէ պաղեստինցի իսլամ ժողովուրդին եղբայրութեան անունով: Օգնեց ատրպէյճանցիներուն վերագրաւելու համար Արցախը, դարձեալ իսլամի եւ եղբայրութեան լոզունգին տակ: Սակայն վերջին մէկ տարուան ընթացքին« երբ Արեւմուտքի իր պահապանները իրմէ պահանջեցին Իսրայէլի հետ յարաբերութիւնը բարելաւել« ան առանց ժամանակ կորսնցնելու բարելաւեց այդ յարաբերութիւնը« պաղեստինցի ժողովուրդին հետ իր յարաբերութեան հաշուոյն:
Միշտ այդպէս եղած է Թուրքիան: Կեղծաւոր եւ լարախաղաց: երբ իր հաշիւին եկած է խաղալ Իսլամի խաղաքարտը, ան շատ լաւ ձեւով օգտագործած է Իսլամը իր հաշիւները մաքրելու համար: Սակայն երբ պէտք եղած է զոհել զայն« Թուրքիա միշտ պատրաստ եղած է իր դրացին կռնակէն դաշունահարելու« ինչպէս որ ներկայիս կը պատահի Սուրիոյ եւ Իրաքի պարագային: Օր մը պէտք է հարցնենք թուրք ղեկավարներուն« թէ արդեօ՞ք քիւրտերը սիւննի իսլամ չեն եւ ո՞ւր է իրենց իսլամութիւնը երբ օր ցերեկով քիւրտ կը սպաննեն ամենայն պաղարիւնութեամբ: Թուրքիան շրջանի ոստիկանն է եւ Իսլամի դերը իր գործիքներէն մէկն է խաբելու համար իր դրացիները: Սակայն մինչեւ ե՞րբ:
(Շարունակելի)
Աղբիւր ՙՏը Ռիվէնճ Աֆ Ճիոկրաֆի՚« Ռոպըրթ Քափլան
