Ամերիկեան ՙAmerican Institute of Physics՚ կազմակերպութիւնը հրապարակած է հետազօտութեան մը արդիւնքը« ըստ որու, Երկիր մոլորակի արեւադարձային շրջանին մէջ (The Tropics) օզոն կազի խաւի նօսրացում նկատուած է: Արեւադարձային շրջանը կը կազմէ երկրագունդի մակերեսի տարածութեան կէսը եւ հոն կը բնակին Երկիր մոլորակին բնակչութեան կէսը:
Այս նօսրացումը նկատուած է Անթարքթիքայի վրայ նկատուած օզոն կազի նօսրացումին նման« սակայն այս տարածութիւնը անոր եօթը անգամն է: Ըստ գիտնականներու« օզոն կազի պակասը թոյլ պիտի տայ անդրմանիշակագոյն (ultraviolet) ճառագայթի թափանցում դէպի Երկիր մոլորակ եւ մորթային քաղցկեղի ու աչքի տարբեր տեսակ հիւանդութիւններ կրնայ պատճառել« նաեւ մարմնի դիմադրողականութեան կը վնասէ: Պիտի վնասուի երկրագործութիւնը բերքի պակասի պատճառով« նաեւ պիտի վնասուին ծովերու եւ ովկիանոսներու մէջ ապրող էակներ:
ՙՍայընս Տէյլի՚
