Ուքրանիոյ արտաքին գործերու նախարար Տմիթրօ Քոլիպա յայտարարեց« որ Ռուսիոյ հետ կնքուածª հացահատիկ արտածելու համաձայնագիրի պարագային« իրենք կը վստահին Միացեալ ազգերու կազմակերպութեան: Քոլիպա յայտարարեց« որ իրենք կը վստահին միջազգային կազմակերպութեան եւ զայն կը համարեն շարժիչը այս համաձայնագիրին: Ան աւելցուց« որ իրենք չեն վստահիր Ռուսիոյ: Հարկ է նշել« որ համաձայնագիրը կնքուեցաւ Պոլիսի մէջ: Համաձայնագիրը ռուսական կողմէ կնքեց պաշտպանութեան նախարար Սերկէյ Շոյկուն: Ուքրանիոյ կողմէ համաձայնագիրը կնքեց ենթակառուցուածքի նախարար Վլատիսլաւ Քրիքլին: Թուրքիան ալ կնքեց պաշտպանութեան նախարար Խալուսի Աքարի միջոցով:
Համաձայնագիրը պիտի գործէ 120 օր ժամանակամիջոցի համար« երկարաձգելու կարելիութեամբ: Ըստ համաձայնագիրին« Ուքրանիա պիտի կարենայ արտածել հացահատիկ իր նաւահանգիստներէն« իսկ Ռուսիա պիտի կարենայ վաճառել պարարտացուցիչ նիւթեր եւ հացահատիկ:
Ռուսիոյ Դաշնութեան արտաքին գործերու նախարար Սերկէյ Լաւրով յայտարարեց« որ Ռուսիա պիտի կատարէ իր խոստումը հացահատիկի արտածումի պարագային« սակայն ան անընդունելի գտաւ ԱՄՆ-ի եւ իր դաշնակիցներուն կողմէ ուտելիքը որպէս խաղաքարտ օգտագործելու ձեւը իրենց աշխարհաքաղաքական նպատակներուն հասնելու համար:
