ՀՀ կառավարութեան որոշմամբ` ՀՀ Կրթութեան, գիտութեան, մշակոյթի եւ մարմնակրթութեան նախարարութեան 2022 թուականի պիւտճէով նախատեսուած ծրագրերուն մէջ կատարուած են փոփոխութիւններ եւ լրացումներ:
ՀՀ քաղաքաշինութեան կոմիտէի պատուիրատուութեամբ իրականացուող փոքրաքանակ երեխաներով համալրուած հանրակրթական ուսումնական հաստատութիւններու մոտուլային շէնքերու կառուցման ծրագրով ՀՀ բոլոր մարզերուն` 10 բնակավայրերու մէջ, դպրոցներու եւ կրթահամալիրներու մոտուլային շէնքերու կառուցման նախագծանախահաշուային փաստաթուղթերու մշակման եւ փորձաքննութեան համար 2022 թուականի պետական պիւտճէով նախատեսուած 50 մլն դրամ գումար պիտի բաշխուի:
Դպրոցները ընտրուած են` հաշուի առնելով տուեալ դպրոցի բնակավայրին մէջ միակը ըլլալու, մինչեւ 100 աշակերտ ունենալու սկզբունքը: Առաջնային պայման եղած է սեյսմակայունութեան խնդիրը. նախապատուութիւնը տրուած է այն դպրոցներուն, որոնց շէնքի հիմնանորոգումը կամ վերականգնումը տնտեսապէս արդիւնաւէտ չէ համարուած: Միւս կարեւոր պայմանը մոտուլային շէնքի տեղակայման համար համապատասխան հողատարածքի առկայութիւնն է:
Նախադպրոցական կրթութեան կազմակերպման խնդիր ունեցող բնակավայրերուն մէջ որոշուած է կառուցել մոտուլային կրթահամալիրներ:
ՀՀ կառավարութեան ծրագրով կը նախատեսուի մինչեւ 2026 թուական իրականացնել 300 դպրոցի եւ 500 նախադպրոցական հաստատութեան հիմնանորոգում, վերանորոգում եւ կառուցում:
