Երուսաղէմի մարոնի եկեղեցւոյ առաջնորդ Մուսա Հաժ արքեպիսկոպոսի հարցը տակաւին կը բորբոքէ թեր եւ դէմ կիրքեր: Պետական պաշտօնեաներ կը յայտարարեն« որ անոր Իսրայէլէն բերած 460 հազար տոլարնոց օժանդակութիւնը ամբողջութեամբ նուիրատուութիւն չէ« այլ անոր մէկ մասը Իսրայէլի մէջ ապրող լիբանանցի նախկին գործակալներու կողմէ ուղարկուած է: Այս հարցը քննող դատաւոր Ֆատի Աքիքի կատարեց կարգ մը բացայայտումներ այս թղթածրարին շուրջ: Ան աւելցուց« որ այս հարցին մէջ կը գործէ լիբանանեան օրէնքը« որ մանրակրկիտ քննութենէ կ’անցընէ թշնամի երկրէ եկած որեւէ անձ եւ գումար առանց որեւէ բացառութեան: Աքիքի աւելցուց« որ առաջնորդը պարզ քննութենէ անցաւ ինչպէս ամէն քաղաքացի: Դատաւորը յայտնեց« որ ինք կը յարգէ եկեղեցին« սակայն այս պարագային կը գործէ լիբանանեան օրէնքը ինչպէս ոեւէ քաղաքացիի պարագային:
Միւս կողմէ« նախագահին համակիր երեսփոխան Նապիլ Նիքոլա յայտնեց« որ եղածը յերիւրածոյ թղթածրարի մը ստեղծումն է առաջնորդին դէմ« այս ձեւով ժողովուրդէն մաս մը նախագահին դէմ մղելու համար: Ան աւելցուց« որ Ընդհանուր ապահովութեան տնօրէն զօրավար Ապպաս Իպրահիմի յայտարարութիւնը այս ուղղութեամբ աշխատանք է ստեղծելու յերիւրածոյ թղթածրար նախագահին դէմ գործածելու համար:
