Հայաստանի արտաքին գործերու նախարար Արարատ Միրզոյեան ահազանգեց« որ երբ աշխարհին ուշադրութիւնը սեւեռած է Ուքրանիոյ վրայ« Ատրպէյճան կրնայ լայնածաւալ գործողութիւն սկսելու փորձ կատարել: Անցեալ ամիս Յունաստան կատարած աշխատանքային այցելութեան ընթացքին Միրզոյեան հարցազրոյց մը տուած էր յունական պարբերականներէն մէկուն« որուն մէջ խօսած է հայ-յունական համագործակցութեան եւ հայ-ատրպէյճանական զարգացումներուն մասին: ՙԼեռնային Ղարաբաղը գոյութիւն ունի իր հայ բնակչութեամբ« որ կը շարունակէ ապրիլ իր նախնիներու հողին վրայ« որուն անվտանգութիւնը այժմ կ’ապահովեն ռուս խաղաղապահներըª համաձայն 2020-ի եռակողմանի յայտարարութեան՚« ըսաւ Միրզոյեան եւ շեշտեց« որ հակամարտութիւնը տակաւին չէ աւարտած« որովհետեւ անհրաժեշտ է բանակցային միջոցներով հասնիլ վերջնական կարգաւորումի: ՙՉափազանց կարեւոր է« որ միջազգային հանրութեան կողմէ արդիւնաւէտ քայլեր առնուինª Հարաւային Կովկասի մէջ իրավիճակի ապակայունացումի փորձերը կանխելու համար՚« պահանջեց նախարար Միրզոյեան:
